yaśodharāviṣaye
ḍakṭaraśvīyatīndravimala-caturdhurīṇena viracitā
saṅgītamālikā
tatra prathamaṁ saṅgītam
śrīśrīyaśodharā-stutiḥ
1
janani jagadādhāra-bhaktacitta-prasādike |
avaguṇṭhanahārike putrasannyāsakārike |
tubhyaṁ namaḥ ||1|116||
2
janani yaśodhare suyaśoviśāle
pāpatāpahāriṇi kāñcanaprojjvale
sugatamohini prasūnasukomale
dehi te padaṁ mātayatipatibhāle ||2|117||
viphale śrutiphale prāgatā bhūtale
premapathavihāriṇi puṇyavimale
kavitvasumadhure śāstrasamujjvale
yatirnauti punastava padakamale ||3|118||
3
bimbasundari gope'mba bhaddakacce(1)subhaddake |
namastubhyaṁ dayāsāre phimpe(2) rāhulamātṛke ||
tubhyaṁ namaḥ ||4|119||
dvitīya-saṅgītam
yaśodharā-janma
"namo bhagavatorahato sammā saṁbuddhasya"
kapilavāstunagare candrakaradhārāsāre
samāgato yadā tathāgataḥ |
vaiśākhapūrṇimātithau pāpatāpau ciradhautau
devagīti "rjāto raṇañjahaḥ" ||
tadā tvamapi janani bhavaduḥkhanivāriṇi
gopā viṣamavirahabhītā |
yaśodharā yaśobhāgā viśvajana-manolobhā
saṁjātā manoramā-duhitā ||
[āsīstvaṁ rāmāvatāre jagajjananī sītā vasundharāsutā
gopārūpā punarapi tvamāgatā
yuge yuge pāpaharaṇa-mānasā mātā | ]
chandakaścirasārathiḥ jāto hayo manogatiḥ
kaṇṭako janmāntarānucaraḥ |
anye līlāsahacarā dharitrīpavitrīkarā
(aho) mahollāsaściraśubhakaraḥ ||
samameva āgatāḥ sarve te priyaparikarāḥ ||
(sadyaḥ) līlāprakīrtane mātarāśīrvādān dadasva naḥ |
tathāgataṁ tvayā sākaṁ yatirnauti punaḥ punaḥ ||
tṛtīyaṁ saṅgītam
vivāhavāsare yaśodharā
śrībuddhaika-jīvite janani nama'stu te |
vivāhavāsarasajjite susmite namo'stu te ||1||124||
vidhātuḥ paramā sṛṣṭirbuddhaikaśaraṇā parā |
"byalaṁkaromi māraṁ na tvāmiti" bhāṣaṇatatparā ||2||125||
hatāśa-sundarānanda-devadattavimānike |
baddhavaṁśamahābhūtirmaitreyāgamasūcike ||3||126||
dharmasaṅgha-mahāśakti-mahonmeṣaṇākārike |
daṇḍapāṇi-mahāmāyā-paramānanda-dāyike ||4||127||
yantraniṣpeṣite martye hiṁsādbeṣaprapūrite |
sadbuddhiṁ dehi putrebhyo mātargope dharāhite ||5||128||
kaliyugapāvani mahājanani namastubhyaṁ namo'stu te |
sutādhamasya yatīndrasya sugopāyai namo'stu te ||6||129||
caturthaṁ saṅgītam
sukhado jananī-niyata-vikāśaḥ |
kleṣṭe bhuvane satya-prakāśaḥ ||1||130||
aho dharitryā guru-santrāsaḥ ||2||232||
āṇavakacūrṇahāso dānaveyasamullāso
rusa-sphuṭaniko(1)'ntaka vilāsaḥ ||3||132||
jananyā bhavatu paramollāsaḥ |
kaṣāya-bhuvane hitaprakāśaḥ ||4||133||
prapañcita-pañcaśīlaṁ jagajjanapuṇyamūlaṁ
vardhayatu diśi varasaubhrātram |
pañcaskandhanivārakaṁ caturāryasatyādikaṁ
karotu viśvaṁ satatapavitram ||5||134||
siṁhalabrahmaśyāma - cīnakambojanīpan -
bhūmipuñjaṁ satyadharmajitam |
vilasatu mātṛgānaiḥ putrajāgaraṇatānaiḥ
bhavatu bhārataṁ duhitṛ-nanditam ||6||135||
prasaratu puṇyaṁ dhyānabṛṁhitam |
karmabhuvi lasatu puṇyamaviratam ||136||
varade'yi jananīmaṇe deśe mama puṇyadhane
ghaṭatāṁ bhrātṛdrohavināśaḥ |
mātarviśvasya parāśvāsaḥ ||8||137||